Nwiyî kûthooma na kwandîka?
Programu îno yanjîîrie mîankaani ya 1990 na yaathi mwanka mwanjîîrio wa 2000. Baingî ba bara baakûrûkîîre ûntûûni bûbû ibakûûyagîîra bûra baakunûkire meetho mantûûni ma mabuku bûra baingîîtwe meetho kîrî bu. Kîthoomo ikîabeere ûmenyo bûra bwendekanaga ûtûûrooni.
Gûkûrûkîîra programu îno, nkûrûki ya antû baanene 500 ibaarutanirwe kûthooma na kwandîka na kinya gûtara mathaabu.
Kûrî na iraci bia antû baanene kûra ûûmba kûrutanîrwa kûthooma na kwandîka Kîîtharaka. Wenda kûmenya nkûrûki tûriûngîre ûbiciini yetû kuuma ncumatatû mwanka ncumaa kwambîîria thaa ciîrî cia rûkîîrî mwanka thaa kûmi na îmwe cia ûgoro. Ibaathoomire kinya mantû ma ûrîmi, biacaara na ûtheru na mantû mangî ta ma ûkimwi, aki cia antû na twana.
Bamwe ba antû baba ibaatûmîîre ûmenyo bûra baagwatire wîteethia ûtûûrooni.
Ûntûûni bûbû twîthîrîîtwe tûkîgwatanîra na rwong'i rwa kîthoomo gîa antû baanene.
